Rev 15 | GbrGAW | STEP | Ma gye n eshe oɓo wowoyi, ai wu oɓo n kwo ɓelo. A tnu n na a Malaika yi ngun tnaba, ɓa ɓe anyi n anyasan a nukwoyi n kma-sun ngun tnaba. N na vun Shekwoyi minagyi kwa zo.

Revelation of John 15

Musa Anyi Ɓedo N Kugya Ɓi Yi

1 Ma gye n eshe oɓo wowoyi, ai wu oɓo n kwo ɓelo. A tnu n na a Malaika yi ngun tnaba, ɓa ɓe anyi n anyasan a nukwoyi n kma-sun ngun tnaba. N na vun Shekwoyi minagyi kwa zo.

2 Ma gye nyaho tazhi nmi abye n wu ngye ena n maganyi yi, n na azayi gni agni kpe, nɓa ɓo gyi nasara n Nyawan-nyawan nukwoyi n owo nya zhin-zhin yi, n wo tuzei n lambai, oɓa vinya n Shekwoyi amuloyi shi. 3 – 4 Ɓai kwo Musa anyi, Shekwoyi fyenu n kugya anyi yi, “Oho aɓo zhin-zhin Shekwoyi ikoda, oho azokwo vinya zhin ɓefyece nu n gaiciya yi, O, Esu esa vinya nya, nyikado nu tawo edna n ma, O Dagayi, wa la oho eye tun ma? Gama oho nu zhin gyi-gyiyi n ho gmanyi yi. Akni vinya ɓaɓe ɓa ga ho mwa-mwa, gama aku oho aɓo zhin manayi wu.”

5 N na avun mashi awye ma gye aba gyi-gyi-yi vinya, n na aduwanyakun n eshe mi, n guya gni.

6 A malaika ngun tnaba n na ɓei kniɓa ɓa ze anyasan anukwoi ya fi n na anyi ngun tnaba nyi, ɓa kunɓe n aduwa-nyakun yi, n na aje abuyi kpe lonen n (fan-fan yi) n tna cegye, n na a belt zinariya nyai pa n na agu. 7 Zaknayi n na a wye-wyeyi da n gun anyi yi ho, wa ga zaho-zahoi nɓa mi papa Zinariya nya n nu-nuyi n Shekwoyi wye-wyeyi da minagyi yakwoyi, n wo nyi nyalo-nyalo nyi. 8 Aduwanyakun n nung-ni n na wuyi n wo-ikoyi n mwa-mwayi, to zahozahoi wa mi wa lo ɓon, sai a malaika ngun tnaba yi, nku a nyasan nukwoyi ngun tnaba sheya fi n anyi.